امانتك سلملي علـى نايـف النعـور = كريم السبال وراعي المجهم الزانـه
ترى نايف بن فهيد فيه الكرم مذخور = اثاثيه روس البل على وقـت جدانـه
موزع شطوط البل لجايع وزود السور = بعد ماتجمل مـع ضيوفـه وجيرانـه
تلامع سيوفه فالمجالس ودق نجـور = على راي اخوهملا وزيزوم عكنانـه
يعرفونه العربان من سيفه المذكـور = صريخه لياسله على روس عدوانـه
بعد مات اخوهملاذخرله عيال صقور = شباب ٍعلى عزوشرف جاك ديدانـه
نزل فالدعيكه والدعيكه مرب الخـور = تزرفل على صوته برمحـه ورمانـه
ثمانين سلجم جلهاوالفحـل مشهـور = طويل وسناد وخد وسيـوف لحيانـه
إلياأوحت لها ذيره تلافت تبا المقهور = سهاف الجنب عو ج ٍرقابه لحيرانـه
تكلمت بالواقع وانا المنهي المامـور = وابا اموت ماجت مني الكلمه الشانـه

المشاركة الأصلية كتبت بواسطة ابن مشيب انعم واكرم بالشيخ نايف بن ضاوي بن ماجد , حفيد الشيخ ماجد قائد لواء الشيابين في توحيد البلاد السعودية , قصيدة وجهة لمن يستحقها. وصح السان الشاعر دحيم الغنامي , قصيدة جزله , وابدع في نظمها والله لايهينك يالنويري , كعادتك متميز ومواضيعك مميزة تحياتي