ليتني عالم وشيخٍ يفسـر للحلـوم=كان ما بيحت سدي على الي فسًـره
خابرٍ نفسي صبورٍ على سري كتوم=حيث اسلـم للمقاديـر للـي قـدًره
اه يابعض السوالف ويابعض العلوم=احسبني باخفي الكسر ليـن اجبًـره
اتجنب صحبة اللاش واكب الرخـوم=مار تالي الوقت جات الحوال امعسًره
يا محمد جيتني تالي الوقت وتلـوم=انحدا صاحبك بالغصب محدٍ خيًـره
ماعليك اخلاف قرمٍ من ارجالٍ قروم=بس دور عن صحيبك وشلي كـدًره

ياجمـل ياناقـل الحمـل سـداد اللـزوم=لو يزيد الحمل فوق الجمل قـص ظهـره
بس لامنه قسم حملـه يصيـر مخـدوم=لو بغى والحمل فوقه رقـى راس ظهـره
قم تفضل واشرح اللي جرى وانت محشوم=مالك الا صاحـبٍ فـي ضلوعـه مقبـره
ولايغرك صاحبك يـوم يرمـي بالسهـوم=ذي طبيعه عنـده يصيـب كـلٍ بنحـره
خابرٍ رفقتك قـومٍ علـى العليـا تهـوم=الرجل فيهـم الـى قـام عـده بعشـره
وانت جنبك ممتلي باللحـوم وبالشحـوم=لا يهزك كـل ريـحٍ يجـي فيـه غبـره