ياسلامي سلامي = عد وبل الغمامي
للي شد الحزامي = يالالاله يالالاله
ودي شاعر و طيب = مثل قوة حبيب
مايرّوح قريب = يالالاله يالالاله

مرحبا ياهلابك=طيب الحظ جابك
مار جود ثيابك=يالالالــه يـالالالــه

وش يسوي حبيب= لو ياتي قريب
مع ذياب يتغيب=يالالالــه يـالالالــه

البقى والبقى لك = لاتقرب لاحالك
قدم عمرك مهالك = يالالاله يالالاله
ياذياب انت غادي = للذيابه تنادي
مار خل العنادي = يالالاله يالالاله

قدم عمري سلامه=مار ريع الندامه
مثل حرب الرغامه=يالالاله يالالالـه

واثق(ن) من زنودي =لو ازل الحدودي
عادتي من جدودي=يالالاله يالالالـه

طيعني لاتقدم = واخذ رتبة مقدم
ثم فيها تندم = يالالاله يالالا له
الخطا لاتجيله = لو ربعك قبيله
عادته ياحليله = يالالاله يالالاله

رتبتك ياحبيبي =حطها فالمخيبي
ثم خلك قريبي=يالالاله يالالالـه

عادتي ماعليه=والمواقف قويه
وآخر العلم كيه=يالالاله يالالالـه

المراتب لهلها = منته اللي وصلها
للحموله جملها = يالالاله يالالااله
عادتك لاتزلي = كل سيفٍ يسلي
في محلك .محلي = يالالاله يالاله

المعاني عظيمه =شالها في بريمه
ما يذب الخريمه=يالالالـه يالالـه

وأنت عادتك طيب=للطلب ماتغيب
صح ماتنتعيب=يالالالـه يالالـه