سلام الله عليكم والتحيه ذوقها فوار = علاج لو يجي للكبد ما ترجع حموضتها
ابا اخطط واهندس دام عندي هندسة معمار = وابا ابني لي بيوت تعجب القاري بنايتها

المشاركة الأصلية كتبت بواسطة علي القحطاني سلام الله عليكم والتحيه ذوقها فوار = علاج لو يجي للكبد ما ترجع حموضتها ابا اخطط واهندس دام عندي هندسة معمار = وابا ابني لي بيوت تعجب القاري بنايتها

هلا يامرحبا والضيف اله واجب واله مقدار=عتيبه عزوتي ما تخلف الايام عادتها
تفضل ياعلي ترا خويك شاعر الشعار=توكلنا على الله والله اعلم وش نهايتها

المشاركة الأصلية كتبت بواسطة الفالح هلا يامرحبا والضيف اله واجب واله مقدار=عتيبه عزوتي ما تخلف الايام عادتها تفضل ياعلي ترا خويك شاعر الشعار=توكلنا على الله والله اعلم وش نهايتها

يدوم ابك البقا واللي تقدّم يكفي الحضار = عسى ترجع نهايتها على سيرة بدايتها
نقول ونعم يا عتيبه ولكن الفلك دوّار = حقايق لو نبينها تزعلكم حكايتها

لك الله ما يجي من يمي التقصير مهما صار=انا عاقل واخاطب كل ناس بحسب لهجتها
حقايقنا تشرفنا و لو دار الزمن واندار= عتيبه يفخر التاريخ يوم ايعد سيرتها

نقدم لك جنيهات الذهب ياراعي الدينار = وتجار البضايع ما تخيبها بضاعتها
لك لو نسمعك الخبر في موجة الاخبار = تعرف اني من رجالٍ ترفرف فوق رايتها