أدري اني من عرفتك ما جنيت الا السهر=واردي انك مستريحٍ في حياتك ما عليك
وانت تدري كيف انا لرضاك زعّلت البشر=بعتهم من شان عينك ثمّ جيتك مشتريك
كل هذا وانت حتى ما على بالك خطر=ايتغيّر فيك شيٍ او شعورٍ يعتريك
بس أنا بعطيك فرصة سمّها فرصة عمر=إن بغيت الوصل وإلا عقّد إلءها حاجبيك
اختصرت الوضع كلّه بالمفيد المختصر=حاجتينٍ وانت فكر ويش منها يهتويك
والله اني لك حبيبٍ دون وصلك ما ذخر=كل ليلٍ والمشاعر يا صغيّر تحتريك
وانت مرهيٍ في صدودك كن قلبك من حجر=كيف تعبث في خفوقي وانت مالك به شريك
لا تعذّر بالظروف ولا تعذر بالقدر=لو دفعك الشوق يمي جيتني من قبل أجيك
ما دريت إن الحليم إليا وصل حد الضجر=شفت منه ما يغيظك لين يشيّب ناظريك
وما دريت إن البحر ياهيه لا هاج البحر=ابسط أضرار البحر لا هاج يضءحي بك دريك
عزة الرجّال راس المال خذ زبدة خبر=والله انها راس ماله قبل ذاك وقبل ذيك
بس قبل أنهي كلامي انتبه لاخر سطر=اذكره لا غبت عني يرحم الله والديك
ان صحيت ومر طيفي فالله الله بالصبر=ما فقدت إلا حبيبٍ يوم حبك هام فيك

المشاركة الأصلية كتبت بواسطة راع السويدا لاهنت اخي الكريم...وصح لسانك ولسان الهاجري تحياتي