سريا قلم مالي على الصبر طاقـــه=صبـــري تعدى الحـــد ماعــاد ينـــطاق
اكتب لمثلي قصته واشتياقـــــــــــه=في خطك الواضح على بيض الاوراق
قصه حزين صافي المر ذاقــــــــــه=ليـــــا ذكر ماصــــارله خاطـــره ضاق
باقوا به الاصحاب والوقت باقــــــه=وصـــار الضحيــــه بين بـــايق وبواق
يمشي وهو ماحس في كسر ساقــه=امسى على ساقين واصبح على ساق
وهذي سوات الوقت شين اصطفاقه=والوقـــت لو يصفى لـــــــك ايام دراق
ان شان قطع عنك كل العلاقــــــــــه=وان زان خلى لك مع الناس عشـــاق
ومن شان معه الوقت قلوا رفاقـــــه=راحت حيـــــاته كلـــها هــــم واقـــلاق
والله خلق خلــــق تحـــــب اللــباقـــه=كما خلق لــــــه خلق ماعندها اخــلاق
احــــد يعيش بخــــير واحــــد بفـاقــه=واحــــــد يعــشـــق ايـــام وايــام يتعاق
واحد معه حكمــــه وصبــــر ورواقه=سبــحان منهــــو للمـــخاليــق خــــلاق
لكـــــن يا من معك عقـــــل ووثاقـــه=ابنصـــحك كـــــانـــــك للامثـــال تشتـاق
لا تنخدع باهــــل العلـــــوم الرقاقـــه=اللــــــــي سوالفهم تــــــوهق توهـــــاق
صادق رجـــــال يعــــــرفون الصداقه=يقفون صفــــك يــــــوم يبسات الاريـــاق
ومن رغب في فرقاك فارغب فراقــه=جـــــاز الــــــذي يجزاك بفـــراق بفــراق
وتعلــــم التـــعـشــيــق قبل السواقـــه=ولا تحسبنـــــك بالـــــدركسون ســـــواق
ورزقك يجيــــك بدون تحضــر بطاقـه=وعنــــــد الله المـعـبـود تقســــيم الارزاق
يقولـــها اللي جايــــــر الوقــت عاقه=ولا زال فـــــــي غيبوبه الهـــم مـــا فــاق
من انعـــــزاقه بنــــــادي بنعــــــزاقه=واللــــــــي يوده صـــــار شوفه بالاشفاق
ولاقال هذا القـــــــول قصده طفاقــــه=ما قاله هــــذا غـــير من نـــــار الاشواق