يالمنتدا نادولي اذياب نبغاه = في هرجتن قد قالها مايبالي
لا شفت زول الذيب ثم شفت ممشاه = ياعزوتلي لا تقول احتيالي!!!

ذياب جاك براس ماله وشلفاه=يومك تخصه بين جمع الرجالي
لا تكشف الدعوى ترى الستر ماحلاه=من بين الاقصى والقريب الموالي

صاحبك ماضيع في دينه ودنياه = وانته غديت لهرج لا ماطرالي
فالحر الاشقر قلت منته بهذاه = ذبحت ليله ثم بكاها الهلالي

يابعيد علمتك على الشعر وألقاه=واليوم تنصح كيف ياهملالي
كلن يغني من هوى حب ليلاه= وأتلا الزمن كلن يصيح ويلالي

ان كان ينسا هرج منطوق من فاه = مالي على بعض الدعاوي سوالي
كلن يجود ماتحصله يمناه = ويمد سيفه قدم سود الليالي