الله لا يهينك يالفليتي

وتسلم يمينك يالذيب

القصيدة لشاعر نياف العتيبي

واذا ما خاب ضني انه عصيمي
وهو من شعراء النت المعروفين

ياقاف لاتخلـف هقـاوي ياقـاف=محتاج لك في ماقف اليوم محتاج
ابيك تعطيني علـى كـل محـراف=بنهج مع اهل الطيب ياقاف منهاج
أبي ليا مريتلـي ربـع ٍ اشـراف=تشرح صدور الربع والوجه ينباج
حذرى تجي في كلمة الحق زهاف=وحذرى تميلها عن الحـق تنعـاج
قافيـك نقـاده وقافيـك عـرّاف=أفطن يصيـدك بالمحابيـل هـراج
ثم قل لصاحبنا عسى مامن خلاف=خله يقول السالفه مابـه احـراج
حقي عليه يقول لو جايه إجحـاف=وحقه عليّ أرضيه من عين هداج
أنا عتيبي واحتمـي كـل ميقـاف=وقفاتنا يالقـرم تريـاق وعـلاج
عز الرفيق وعز من حاشه اصداف=ناقف معه فالعسر مانمرج امراج
نشيل كل حموله إثقـال وخفـاف=ونرسي كما ترس البواخر بالامواج
ابديت لك سدي بمعنى ومحـراف=وقفلت صندوق الضماير بمـزلاج
ولاحد ٍ سعى يالقرم قـدّام يطـاف=الا ّ هبيل ٍ ميـت القلـب هلبـاج