يامعين اللي على طاري الفرقا=جاه فرقامابعدها تجماعي
كل ما يذكر هوى الجادل الطرقا=كن في صدره دوافير صناعي
مايسره في حجا الرجم لو يرقا=غير جر الصوت والناس هجاعي
فاقدله سلعة تحيي الغرقا=سلعة تشرى ولاهيب تنباعي
غيبة الغالي من الناس من برقا=اشهد انها كية توجع وجاعي
صابرقلبي على الوجد ومعرقا=ممل في الوقت والوقت خداعي
احسبن الغيث في الغيمه الزرقا=شفت مدخالي ولاشفت مطلاعي
والله اني كل ما ناحت الورقا=للصديق الصافي الصامل الواعي
شرهتي تنصاه في الغرب والشرقا=ولانوريه الجفا والتمطاعي
صحبة ماهيب للكزوالدرقا=لاخذت يومين مفعولها ضاعي
ان تجمعنا على طيب العرقا=وان تفرقنا فجوج الله وساعي
متبع المقفي ليا حلت الفرقا=مخبل اللي للمقفين تباعي
قال ابن جدلان لمخيل البرقا=ودق قلبي من ورى حدب الاضلاعي
وقلت انا من طعنة في الحشا زرقا=خبرو راع السمارى عن اوضاعي
والسلام ختام واللي نزل يرقا=يدفعه من ريحة المسك ذعذاعي