احلام ليلي توادعني ووادعها = وعقب الوداع ترجع لي تعاقني
وجروحي اللي مضت اسمع تصدعها = وسط الحنايا عيت لا تفارقني
ابكيها ودموع عيني ترجعها = ابتعد نسيان ونسياني يلاحقني
اتجاهل غرورها يناديني تواضعها = اطالب اقاضيها حكمها يسبقني
تعبت واتعبني كثرة طبايعها = هم وفرح واحزان تغرقني
اجيها منكسر ترفع مسامعها = حرت واحترت وحارت تصدقني
قررت هجرانها واصبحت طايعها = مدري كيف كيفها مطوقني
ثارت وثورة ثاير منابعها = واثرت ثورتها وثارها يحرقني