ارسلت لكن من يرد المراسيل=مدري وش اسباب التغلي عليه
بحر الهوى لا تحسبونه تساهيل=ولا تحسبون الوصل خاتم يديه
كيف الهوى مخلوط بالبن والهيل=وانا اتقهوى معك صبح وعشيه
ياليتني ما ذقت ذيك الفناجيل=اثرك من اللي له ثمانين نيه
لا يا طبيب القلب حلله تحليل=يمكن علاج القلب بالصيدليه
واقروا عليه الفتح والكهف والفيل=ثم ادفنوه بوسط قلبه هديه
يا عاذلين الحب جيلن بعد جيل=لا تعذلون اهل القلوب النقيه
ولا تعذلون اللي هويناه بالحيل=بالله ياهل الطيب واهل الحميه
خلوا حبيبي يختفي كنه اسهيل=ولامن ظهر عيني لشوفه رجيه
ولامن ظهر يسيل فالواادي السيل=وادي هوى ما بين شمسٍ وفيه
خلوني احكي قصتي يا رياجيل=قصه هوى ما مثلها فالبريه
صحيح انا حلحيل واسوى حلاحيل=لكن قلبي مات والروح حيه
وصحيح انا ربعي هل الجيش والخيل=اللي مواقفها على كل هيه
تبقى الحقايق فالليال المقابيل=والبيَنه ماهي سوات الخفيه
انا ودمعي والحزن والغرابيل=المختصر من دون روحه وجيَه