مرزوق رزقه في مكانه مايغيّره الزمان = يوم ان بعض الناس مابه ديرة ٍ مازارها
وان كان زرته في مكانه تبشر بسمن السمان = بين الرجال اللي على العليا طوال اشبارها

الله يعينك في طريق المرجله حان الاوان = امسك يمين الدرب يالعجمي وخل ايسارها
كم شاعر ٍ عقب الطمع تحولت عشره ثمان = اقفا جواده مانميزها بوسط اغبارها

بعض المزارع نبتها من خوخ ولاّ برتقان = وبعض المزارع ماطلع فيها يكود احجارها
خل السياسه لهلها والحق واضح للعيان = واللي يبا يبن البيوت اهم شي اجدارها

ترمي بها رمي العمى بين القساوه والليان = يالله تزيد اخيارها يالله تبيد اشرارها
يابدر خلك مع طريق المعرفه سر وبيان = كم حفرة ٍ تحفر ويدفن وسطها حفارها