اخذ القلم والبوك والحبر موجود=واكتب كلاماً ياالسنافي طرالي
هواجساً دقة على القلب عرجود=وابطيت أصارعها على كل حالي
بعض العرب موجود نقصاً بلازود=ياكبرزوله لكن العقل خالي
لوكان شايب عنده الفكرمحدود= يشذب عراقيب الرفيق الموالي
ناساً على النمه لها االحبل ممدود=ولياعذلته قال مالك ومالي
أبنصح اللي عارفاً كل مقصود=ترى دروب الطيب روس العوالي
احذر من الزله ومن هرج منقود=الرجل يازن كلمته باالعدالي
والخبل لاناشد ولاهوب منشود=ولا ترى الطيب يجيله مجالي
والصمت به حكمه ولافيه منقود=والهذر يرخص واحداً كان غالي
قلته وأنا جربت في البيض والسود=وغير رجالاً علمتها الليالي
وصلاة ربي عد ماهبة النود=وعداد مالحت بروق الخيالي
على نبياً بجنة الخلد موعود=أعطاه رب البيت حكم وعدالي