سلام لاهل المنتدى عقب ماجيت=بركب القيفان واغني البيت
من عقبها صوًت في عالي الصيت=الحرب خدعه والمواقف لاهلها

الليله الملعبه تبغى القوي الجسور=والملعبه حضها من حض شعارها
ياوين ابلقا الشديد المقتدر والصبور=يبني على طوبها ويعزز اجدارها

الليلة الملعبه يجيلها كم دور = والناس ما تنعرف ياكود بأدوارها
تلقى وخلك سنود ولا تحاول حدور = ركز عيونك ليا لاحت لك أنوارها

انا تراني عندكم حسبت الضيف=مار اللقافه من طبوع الملاقيف
لكن ما عندي سوا سلًة السيف =الحرب خدعه والموقف لاهلها

ما شفت غطًاس يغطس في مغب البحور =لا تقرب الحصن وتكهربك باسوارها
لكن بعطيك يارجال كرت العبور =والطايره ياولد في حكم طيارها

يا صاحب العملة احذر عملتك لا تبور = حتى تطوف العرب واتعدّي ابغارها
بعض الحكي يا عرب يطير مثل الطيور = لكن قلي ربوعك وشهي اديارها

عزالله انك ما تعرف المواجيب=لكن انا ضيفٍ بحكم المعازيب
في حلًة العتبان طيبٍ على طيب =الحرب خدعه والمواقف لهلها

بالهون بالهون ياراعي الحصان الطمور= عاين مسارك يمين الدرب ويسارها
حنا هل الكلمه الي ما تمس الشعور =ولاً دياري بعيدٍعنك مشوارها