يالشمالي لا تهز الغصن الأخضر لاتهزه = دامك تشوفه خضر ... وش فيك كنك ماتشوفه ؟
وكل درب(ن) لامشيته بارك الله فيك قزه = واعرف ايش الفرق مابين الذويبيّ وخروفه

الغصون الخضر تذبل يالنفيعي بعد حزه=ياسعود أسمع كلامي كل وقتٍ له ظروفه
من مشى دربٍ مشيته علّمه يبشر بعزه=والذويبي من خروفه مالقى غير الحسوفه

العلم ماعاد نلقى واحد ياقف يرزة = والزمن كثرت على العربان من تالي صدوفه
ماعلى وجه البسيطة رجل قيل إنه منزة = وكل ذيب(ن) لالقى له كبش يالصاحب يحوفه

اركد اركد ياسعود اليوم اشوفك فيك فزه=اعرف العجله ترى ياسعود ماهيب مخلوفه
النزاهه وين دام ان اليهود تحوف غزه=شاب طاروق الهواوي يالنفيعي في هنوفه

راس حربه

هلا وغلا

اسعدنا تواجدك

لاهنت

دولة اليابان جاها قبل خمس شهور هزه = وسبت الهزة تراها يا أبيض الوجه معروفه
وز علمك قبل لاحد يسمعك ياخوك وزه = قبل تصبح كارثة من واحد يضرب دفوفه

ريس اليابان بالغليون اخذ عشرين مزه=والقمر مما يسوي هقوتي ما اسرع خسوفه
الشمالي يالنفيعي ماانت قادر تستفزه=ان وقف في ماقفه يصمل لك الله في وقوفه