راكب اللي من حفيزه قراطيسه علاه = وارد الألفين واضف عليها الأربعه
ساع مانزّل من الباخره عند اوكلاه = حسب نوع امواصفاته ورد من مصنعه
جيب فكس ليا ركب سايقه فوقه وجاه = كن طبلونه قصور الرياض مولعه
مثل عقد اللول في عنق مردوع الشفاه = زيّنت في حفلها ثم جات امشرعه
لاشتغل ماتسمعه لين تاقف في قفاه = تسمع الشكمان واللي قدم ماتسمعه
يوم ينهض مع مقامه كما فرخ القطاه =فر من شيهانة(ن) ثم راحت تتبعه
ان نزل تنزل معه وان طلع تطلع وراه= قام يبرمها وراحت وراه اتجربعه
وان عطاالحزم الجلدصارله صوت ووحاه= وان عطا التغريزلزّ الدبل ثم ارفعه
وان عطا البطناج يغنج كما غنج الفتاه= زينها زايدوغير الجمال امدلعه
الهنوف اللي تهذلف كما عنز المهاه= القدم دوبه يحطه ودوبه يرفعه
زل وصف الجيب ستر الولي يضفي علاه= راح في طرقة لزومه وسترالله معه
ناصي(ن)ناصربمكتوبه اللي في يداه= سلّم المكتوب عقب السلام اتسمّعه
الرفيق اللي على رفقته حرص وشفاه= لو تناحا في بعيد الدير مانقطعه
بيننا رفقه وصحبه على طول الحياه= بالجواهر والغلا والعقود امرصّعه
صحبة الرجال ماهي كما حذفة حصاه= فالقلوب اموثقه مثل طبع المطبعه
جب وفا واخذ وفا والرجل طيبه وفاه= من يجنب عنك ويصد حذرا تتبعه
الرجال الها منازل وكل(ن)في سراه= رجل وافي في لزومه ورجلأمعمعه
أتبع الطيب وعزه وبالغ في غلاه =والردي خله يولي وبقعا تصفعه
رفقة الطيب كما الكنز من حطه لقاه =ورفقة الخايب سواة السراب وملمعه
الردي خله يولّي ولا تبحث خفاه= وكان به حبل(ن)يوصل معه فانت اقطعه
قل لناصر يانديبي وبلغه الوصاه = رفقة الطيب وعرفه تراها مطمعه
مابقي في وقتنا الا همومه مع غثاه =وش نسوي كيف نصبرعلاه ونتبعه
ان لزمنا الصبر صبر(ن)تعدى منتهاه= وان بغانا نبلع الغيظ زاداعن اسنعه
وان بغانا نتبع الوقت جوده مع رداه =احتسب للشر والخيركله واجمعه
وقتنايدرج بلحيه كماادراج الرحاه= وكل مايلزم بلحيه ببطنه يبلعه
مايعرف الزين والشين يوم الله بلاه= ومالزم من صيدة(ن)حطهابين اربعه
ايتغدى ويتعشا وبطنه ماملاه =هب ياذا الوقت ياشين دلّه وطبعه
عاد ويش الحل ياربعنا كيف السواه= ميّزوا فالوقت مازال حنا في سعه
النشامااليوم راحوغداالوقت وعشاه= هم ضحاياالوقت وهل الردى عاشومعه
الردي لوكان وجهه كما وجه الصفاه= مايبش من الندى زان وقته ورفعه
حطله فنجال والله من الدنيا عطاه= وقام يزمركنه السبع وسط المسبعه
ويالله المعبودياللي سجدنافي رضاه =انت راع الفضل والجودراع المنفعه
اغفر الزلات يامستجيب لمن دعاه =واصلح الاعمال والشر عناتقلعه
وانصر الاسلام وانصر ولاته وادعياه= واخذل الكفار والكفر واللي يتبعه
وانزل ايات الغضب بالطواغيت العصاه= شرذمة شارون صلط علاهم واقلعه
الغضب والسخط ينزل علاهم من سماه= مثل مانزّل لفرعون هوواللي معه
يبتدي بالكلب شارون فدام ارفقاه= ينفتح له شق في وسط الارض وتبلعه
والسلام اختام والعذرفالناقص نباه= لكل من يقرا كلامي ومنهو يسمعه