خذتني في عروق التوت وازهر فالحشا مربـاع=
لقتني قلب يلفظ اخـر انفاسـه ورى الأضـلاع=
وشالتني على كف الغلا واثـر القلـوب جيـاع=
نصبت اعجابها وسط المحاني والعيـون وسـاع=
امسيها بنظـرات الغـرام وضحكـة المرتـاع=
ليا مني لفيـت تحـدق عيـون الولـه باشبـاع=
كلام عيونها روّض جموحـي والضميـر التـاع=
ثنيت عذوقها لاجل الرطـب والادمـي طمـاع=
حقيقـه والمحبـه شـي لايشـرى ولا ينـبـاع=
وانا قلبي يواجه مـن يواجهنـي بـدون قنـاع=
وش اوصف ويش اخلي من وصايفها حرام امتاع=
انا لن سلهمت بعيونها ذقـت اجمـل الاوجـاع=
عليها جوز عينيـن وحواجـب وابتـرٍ قطـاع=
شعرها ليل لليـل الطويـل وصبحهـا خضـاع=
حَمار خدودها نـار ابتسامتهـا ظـلال ابـداع=
شفايفهـا كـلام العاشقيـن وريحـة النعـنـاع=
سوالفها عصافير ورخت لاجل الكـلام اسمـاع=
دميّ عروقها تـوت وعبايرهـا ثمـان انـواع=
ظهرها خيزران وخصرها ياناس عرض اصباع=
انا ما لامنـي فـي حبهـا الا جرهـدي طبـاع=
فداها من زهور العشب في قلبي ثـلاث اربـاع=
وتاخذني عروق التوت وازهر فالـورق مربـاع=