غاب ابوه اللي يضمّـه .. ولابقيلـه غيـر امّـه=
كلها عطف وامومه .. شالـت الوقـت بهمومـه=
أمّنت له كل شـي .. وحبـه ابهـا نبـض حـي=
كافحت في هالحياة .. وسـوّتِ الْـه المعجـزات=
تبكي والدمع يغشاها .. وتمسحـه لامـن جاهـا=
ومن بعد ماشبّ عوده .. واستوى وكبرت عضوده=
نسّتـه امٍّ وفتلـه .. يـوم الاجـوا ماصفتـلـه=
كيف أصير بّبيتي حرّه .. وانا اشـوف الأم ضـرّه=
ولن شخصيته ضعيفه .. وامّـه اشبـه بالكفيفـه=
وقام سوّا له جريمه .. وشالهـا شيلـة غريمـه=
ياوْلِدي وين انت رايح .. قالتـه والدمـع سايـح=
قال انا رجال تاجـر .. منشغـل بيـن المتاجـر=
ولجل ماتجرح شعوره .. طاعته بامـره وشـوره=
وهمّل امّه ياحسافـه .. وصـد واعلـن انحرافـه=
والا هي يوم ادْخَلَوهـا .. بالرعايـه وِانْشدوهـا=
عنده اشغالٍ كثيـره .. وكـم محـلٍّ هـو يديـره=
ومن ولعها فـي ظناهـا .. كـلّ هـمٍّ اكتساهـا=
وضع كلٍّ به تأثر .. عاشت ابـه اسبـوع واكثـر=
وحلمها اللي في ولدها .. لاكبـر يكبـر سعدهـا=
ليـه همّلهـا وجفاهـا .. وليـه ماقـدّر وفاهـا=
ليه وكم من ليه مرّت .. فـي خيالـي واستقـرّت=
والله ياعالم مصيبـه .. وواقعـه فعـلاً غريبـه=
ولكن الكلمـه الأخيـره .. رددوهـا بكـل ديـره=