تاجر يبا يكسب مع التجار=يا بايع السلعه وشاريها
هاك اصرف الدولار والدينار=واحذر دروب الغش تعطيها

ياشاعرٍ تلعب مع الشعّار=ويش اول القصه وتاليها
اشتر وبيع بغالي الأسعار=وبعض السوالف لاتطرّيها

ترى الزمن يا عارفه دوار=والناس لا تامن بلاويها
دكانكم شبت عليه النار=عيّا المطافي لا يطفيها

فى الوقت ما احدٍ يامن الاقدار=وان كان الك نيه وناويها
ابعد يدينك لاتنوش الحار=النار ماتقدر تصاليها

يا راعي البندق بدون عيار=راكز لك الشاره وتخطيها
لازم تعيد امن اول المشوار=تجارتك لا بد تحييها

انته تلف ايمين والا يسار=بعض الاشارت ما ارميها
وراك تنقز سواة الفار=تبا تعدلها وتلويها

من صدمة الموضوع عقلك طار=تبا تكحلها وتعميها
لا تحترك يالثعلب المكار=والا ترى رجليك نكويها