شف الفتى
 

بسم الله الرحمن الرحيم

السلام عليكم ورحمة الله وبركاته


قصيده لي اتمنى ان تنال اعجااابكم يااربعي


رجيتكم والدار حي على ميت
فيها من سهوم الليالي عجايب

ماينفع الرجال بالوقت ياليت
ان درهمن حظوظ وقته ركايب

شفي وانا الروقي من الوقت هالبيت
اللي يحسب خطاه يلقى الصوايب

رجيت من عرشه تعلى وناديت
يغفر ذنوب العبد والعبد تايب

رجوى مريض غطرفت له حوانيت
من شان حتى ترتكز له نصايب

قفرن خلا يودع عظامه هلاميت
يالله تلطف في كبار النوايب

اقفيت عن دار عليه الثوابيت
ومثبته من يوم جات المصايب

وكانه شمتني ماتهم الشواميت
رجلن يحسب للنتيجه عقايب

رجلن يحط الطيب مادور الصيت
ولاهمته عجزن تجر النحايب

ولاهمته هوج الرياح العواتيت
وهرج القفا لن قيل ماجاب خايب

شف الفتى لاصار ربعه مصااليت
حماية الساقه سيوف وجنايب

ربعن ليا ثارت ودارت طواغيت
وان جات للشورى تمس العصايب

والكارثه لاصار ربعه قواتيت
حشاشة العرقوب خطو الزلايب

ما ينرجي خير الرخوم السرابيت
ولاينرجي من فاقد الحيل ثايب

وانا ربوعي كان واني تعزويت
من دونهم ماطال راس المهايب

عز الرفيق ومسندي هم هل الصيت
وسقم الحريب ان شب زند الحرايب

وصلاة ربي عد من طاف بالبيت
على شفيع الخلق سيد الحبايب


وسلامتكم

صح السانك يا خوي

الله يعطيك العافيه
ولاهنت

صح بدنك اخوي فواز الشيباني وكل عام وانت بخير وصحه وسلامه

ومشكور لمرورك الكريم

صح لسانك

ولاهنت يالغالي




تحيااااااااااااااااااااااااااااااااااااااااااااااا اااااااتي

00

اللهم صلي وسلم على نبينا محمد


صح لسان يازعيم القوافي


ابدعت وامتعت

ابيات جزله ومعبرة

لاهنت


تحياااتي

صح لسانك يازعيم وطول عمرك زعيم
رايعه رائعه رائعه

صح لسانك


جزله


تحياتي

صح بدن اخوي ابن نعيس ولاهنت لمرورك الكريم يالغالي

صح بدنك اخوي خلف والابداع هو مرورك يالغالي سلمت ودمت

تسلم يا ذيبان وصح بدنك دمت بصحه وعافيه يالغالي

صح بدنك اخوي النشمي والاروع هو مرورك الكريم

اخوي فيصل المسعودي صح بدنك وتقبل تحياتي يالغالي