الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   الشعر الشعبي (http://www.otaibah.net/m/forumdisplay.php?f=9)
-   -   اقلطوا يارياجيل (http://www.otaibah.net/m/showthread.php?t=1897)

((الدلبحي)) 26-Mar-2003 01:58 AM

اقلطوا يارياجيل
 
هاذي قصيده لشاعر سلطان بن وسام الهاجري:
يالله ياربي عليك التساميح...........لولاك عرجات السنـــين اعرجــتبي
منك استمد العون رهبه وتسبيح....والعفو كان جروح وقتي سطــتبي
الحظ كوره والنوادي ظحاظيح......سدتـها في العـارضـه واحــدرتـبي
شوطين اضافيه وركلات ترجيح....واخــر نـهايه مـابعـد سـجـلـتـــــبي
اقول لحظه للجماهير وتصيح........خـسرتها كـاس الفرح واخـســـرتبي
لوطاحت انفوس الرياجيل ماطيح....عــليت نــفــسي للعلا واعــتـلــتبي
صم الجبال اللي حجرها صلافيح....لو جــيت اهــز احــيودهـا مـادرتبي
لاكن لي مبدى انعزه وتصفيح.......ابـوي سـماني بــها واســتـــمتبي
اقدر اوجيه الرجال المفاليح..........وابقى على هقواتــــها اللي هقتبي
اذخر فواعيس الرجال الطحاطيح.....اللي ليا مـني جـيــتها رحـبـتـــــبي
قولة هلا واقلط على هبة الريح......ثروة غنى فيها اغـتني واغــتنتبي
ماهوب كلام ملاعبين المسابيح......اللــي نــموذج كــتبهــم غيــر كتبي

تقبلوا تحياتي:
((الدلبحي))

ابن مشيب 27-Mar-2003 04:23 AM

شوطين اضافيه وركلات ترجيح....واخــر نـهايه مـابعـد سـجـلـتـــــبي
تسلم يابوحمود , والله قصيدة احسن من ممتازة , وصح السانك والسان الهاجري.

تحياتي:
ابن مشيب.

((الدلبحي)) 27-Mar-2003 08:41 PM

مشكور يابن مشيب الله يعافيك دايم علمك طيب والله يسلمك على هالكلام
الطيب اللي مايجي غير من طيب (ابن مشيب وين مشاركاتك) ترانا ننتظر
مشاركاتك
اخوك وصديقك:
((الدلبحي))

ابن مشيب 29-Mar-2003 07:49 AM

مشكور على هذا الاطراء اخوي ((الدلبحي)) , وانشاء الله بعد ماانتهي من بعض الارتباطات , سوف اطرح بعض المشاركات في منتدى الهيلا.


تقبل تحياتي:
ابن مشيب.


الساعة الآن »02:38 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd