جار الزمن ثم صك من دوني البـاب=زولي شباب وداخلي جـوف شايـب
وكنت الغريب الي نشا وسط الأغراب=طفل ٍ جميع النـاس عنـده حبايـب
وربانـي الـي للطويـلات كـسـاب=الشايب الـي مارمـى غيـر صايـب
عند الدلال ومبخـرة زيـن الأطيـاب=وعند الصحون الي عليهـا النوايـب
ودل الرجال الي على الطيب وأصحاب=وسوالف الفرسـان وقـت الحرايـب
وغيري يربيه الخدم وسـط الألعـاب=لين إختلف عقلـه يبـاري الهبايـب
لا هرجة ٍ سنعـة ولا مكـرم أجنـاب=وسوالفـه لاجـات جـات المصايـب
إخته تقـول وخالتـه وجههـا عـاب=وأمـه تـزاور كـل يـوم ٍ قرايـب
مير أشهد إن الطيب من طيب الأنساب=والعرق طيب ٍ نصفه ونـص خايـب
بس البلا من علـة ٍ مالهـا أسبـاب=خلت جروح ٍ في ضميـري عطايـب
القلب منها شاب والـراس ماشـاب=وأعيش في وقت ٍ عن الناس غايـب
وهذا الزمن قد جار ثم سكـر البـاب=وأنا على بابـه مـن العـام شايـب