يا العتيبي يالعتيبي جيت تال الليل ضاوي=هات كل العلم يا زيزوم .. يا مال الغنيمه
راس حربه جاك يلعب محترف ما هو ب..هاوي=راس واحد مير ينطح قوم .. يا مال الغنيمه

جيت ضاوي فالغداري ياعرب ماني بغاوي=ذيب مايعرف لذيذ النوم يامال الغنيمه
را س حربه لو ضربته فالشوى والا الكلاوي=قلت جعله ياعرب مرحوم يامال الغنيمه

قيس في ماضي زمان فات من ليلى شقاوي=ما يذوق النوم يا محروم .. يا مال الغنيمه
بيني وبينك دروب ما تقربها الخطاوي=معلنينه..قف..خطر..ملغوم .. يا مال الغنيمه

يس رجالِ هواوي وانت رجالِ هواوي=مار ليلى فيك تروح ثوم يامال الغنيمه
الدروب اوساع وانته تعشق الدرب متساوي=مير هون للرجال سلوم يامال الغنيمه

no وليلى عندها الميزان ما ترضا التساوي=فرق واضح بين حر وبوم .. يا مال الغنيمه
لا تجيب النا التمور الثانيه غير الحساوي=والتنك يا جالبه مختوم .. يا مال الغنيمه

اكثر العربان بلوى وانت من ضمن البلاوي=مايميز برطمه مشروم يامال الغنيمه
انت لاعب مانت من ناسِ يحبون القهاوي=ماررقع جيبك المخروم يامال الغنيمه

الله اللي سلط اهل البل عقوبة كل شاوي=وسمنا في جبهتك موسوم .. يا مال الغنيمه
ما مليت الجيب باموال الربا والا الرشاوي=رزق يا راع الفلس مقسوم .. يا مال الغنيمه

انت رجالٍ تغني مار والله منت قاوي =مرت اعلومٍ بسد اعلوم يامال الغنيمه
لكن ارتاح وتريّح انت يالنجم السماوي=جيتي حطيت فيك ارقوم يامال الغنيمه