ياسلامي سلامٍ من عميق الهجوس = عد مادارت الاعوام وايامها
ربعي اعتيبه اللي فالقبايل تروس = اعتلت كل مجد وتلبس اوسامها

ياهلا مرحبا في دار عز النفوس = عد كتب الحروف وخطة اقلامها
خيلنا ياعتيبه كم تدوس وتدوس = لو تزيد الدعاوي نمسك ازمامها

ادرس ادرس ترى الايام فيها دروس = لاتعض اليدين وتجرح ابهامها
لو تولع حروبٍ مثل حرب البسوس = ناكل الخصم وانت تصير فيدامها

انت تشرح دروسك مير شرح امعكوس= اِلعبت بك هروج القوم ووهامها
انت يومك عسيرن قمطريرن عبوس = كيف ترضى تشب القوم بحزامها

انت طالب ولكن ضاع رقم الجلوس = والمدرس يناد الناس برقامها
استضل بضلال ولاتجي فالشموس = منت بحزامها والقرم قدامها

انت حصتك ضاعت بين دوسن وحوس = مار رجليك هذي ريح اعظامها
انت وجهك علامه فيه ضربة بقوس = امرح امرح وخل الحرب لحسامها