اخذت لي مـع دورة الفكـر سجـه = وادير فـي دنيـاي كـل التفاكيـر
روضة بيت الشعر واركبت سرجـه = واطلقـت لعنانـه جميـع التعابيـر
واعطيت به مع رخرخ الارض فرجه = ويالله عساها في طريقـه تياسيـر
سابق هبوب الجـو وانـرز عجـه = وانا عليه ارسى من طويق والنيـر
ومن مكتب الافكار واوراق درجـه = ومن مدرسة سود الليـال المدابيـر
من مشرق العالم ليا غـرب طنجـه = مامـر يسـر الا تحوفـه معاسيـر
وكـلِ علـى دربـه يقديـه نهجـه = ولكـل ميـرادٍ دروب ومصـاديـر
يعطيـك تبريـرٍ ويعطيـك حـجـه = وعن درب غيره كثر لك المحاذيـر
ولاتستوي فى القول هرجه ومرجـه = ولايستوي هتان مـزن ومعاصيـر
ولايستوي صافي قراحـه ودبجـه = ولاتستوي بالوصف عكف المناقيـر
ومفتاح قلب الرجـل زلات هرجـه = ان كـان ماجودتهـا باالمسامـيـر
والدلو لامن طاح فى البيـر رجـه = من صافي المشروب يصبح غثابير