يامرحبا يااللي لـك القلـب مفجـوج=عـداد نسنـاس الهبايـب ليـا فـاج
حطيت ريع بوسط القلـب هجهـوج=ياعيـن حـر بالخضيـرا لـيـا راج
حبك طفح بي طفحت الساج بالمـوج=ماعاد لي عن حبـك اليـوم مخـراج
اودعتنـي لاشـرب ولاكـل ولادوج=ولاستطعم المنطوق من كـل هـراج
لاغبت عنـي دق بـي كـل دالـوج=قامـت تواردنـي هواجيسـي ازراج
قلبي يجينـي نـوج واضيعـه نـوج=يجيه مـن فرقـاك سجـه وسوهـاج
كن البنات الشقر عندي مـن الهـوج=ماكن به غيـرك علـى الارض دواج
في هرجتك شئ من السحـر ممجـوج=والنور مـن غرتـك يطلـع وينبـاج
وليا ضحكـت بذبـل مابهـا فلـوج=مثل البرد مـن مزنـة تلعـج العـاج
واغضيت في سودن بها السحر مدعوج=ترسل سهوم الموت من حجره افـواج
تنثـرن شقـر مثـل كاسـي الغـوج=تاصل اليا ردف كمـا حـذف ديبـاج
جاني بـلا فالقلـب يسوجنـي سـوج=يتلنـي يمـك لـك الـروح تنـعـاج
كني اليا شفتك علـى انهـار وبـروج=والاملك شعبٍ علـى راسـي التـاج
واليا بديت بضحك وهروج واغنـوج=قلبي غدا زبده على صالـي الصـاج
او مير كني بين الاضـلاع مخجـوج=بشلفا مثل شلفـا غنيـم بـن فـراج
غنيم بن شبلان مخلـن لـه سـروج=ليا صاح في تالي الرمك راحت امراج
تبـا تخلينـي مـن العقـل ممـروج=على العمـر شامـان تدرجنـي ادراج
خليتني يازيـن الاوصـاف محـروج=صليت فيّـه شـرق ماعـاد يحتـاج
ياروح روحي كـان مامنـك منتـوج=خف الغلا لاعـاد تحرجنـي احـراج
لـو قلـت سيـر وخـذ عندنـا روج=جيتك على الاقـدام ممشـى ودفـلاج
اجي وانـا مبهـوج واروح مبهـوج=ليا حصل لي منك لـو رفـة احجـاج