يا الله يامنشي النواشي من المـــــاش
تحيي الرمال الكاحله بالرشــاريــــش

تنقش بها القاع الاحمر زين الأنقـــاش
بالعشب الأخضر والغصون المهاييش

يافاتحن باب الفرج شارح الجــــاش
رافع مقام الطير بالشوف والـــريش

ربٍ خلق ثلثين الاصناف بالطــــاش
أنفاسها عمق المحيطات وتعيــــــش

منه الفرج بين المخاليق طـــــــراش
والخلق في رجواه دايم معاطيـــــش

كلٍ يبي ثغره عن الفقر ينحــــــــاش
اقل حاجه مكســـبه لقمة العيـــــــش

قبل الكرامه تنجب الشيخ لطــــــاش
ويغير المضمار من حدة الطيــــــش

امايعيش بكفٍ ابيض من الشــــــاش
والا كسايب سود الايمان حتيــــــش

حتيش منها يقدر الاش يعتـــــــــاش
وأهل المضاهر والدواخل مغاشيــش

بكاش يعرف مدخله عند بكـــــــاش
الله ولا عصر البكش والبخاشيـــش

روس الضبا اللي مابها لقمة عـراش
الموت عز ولا زمـــان الدراويش

صوره مع الكربون من طاش ماطاش
انطاش وأن ماطاش حتيش حتيـــــش

نادر العصيمي