ياعتيبه رست فوق المواني بواخر=والسفينه تبا قبطان يعرف يسوق
ياهل العرف واهل الجود واهل التفاخر=لاتضيع السفينه وثقوا هالحقوق

ياولد روق لن جاء العلم الاول والآخِر=السفينه لها قبطان .. برقا وروق
العتيبي يساق الطيب له فالمباخر = العتيبي مثل نجم(ن) على الناس فوق

بنٍ اشقر وكيفٍ يعدل الراس فاخر=والعتيبي على كسب المراجل سبوق
ميزّوا فالاوايل ميزّوا فالاواخر=جابوا اللي عقيمه دون ريح وذوق

,العتيبي ماهو عبد(ن) كبير المناخر = دللو به مع العربان في وسط سوق
العتيبي يسود مع العرب ويتفاخر = أنه (أ) عتيبي ولا يمكن أنه يبوق

المقادم مقادم والمواخر مواخر=والطليعه كسبناها كلام وثوق
الضباب ان حمي جو النهار ايتباخر=وانت عاقل وميز فالمسا والشروق

فيه رجلٍ صدوق وفيه رجال ساخر= والحقيقه ياشين الرجل وأن جاء طفوق
أنت مثلي لمَدّ الطيب مانته بذاخر= مار بعض العرب بنه تراه (أ) محروق