الهيـــــــــــــلا *** منتدى قبيلة عتيبة - اروع ما قرأت وسمعت للشاعر الكبير ((مرشد البذالي))

بسم الله الرحمن الرحيم

السلام عليكم ورحمة الله وبركاته

اروع ما قرأت وسمعت للشاعر الكبير ((مرشد البذالي))

الــــــــــيــــــــــكــــــــــم الـــــــقــــــــصــــــــيــــــــده

قالوا حكوا بك قلت وش هم يقولـون
وش قـــــيـــــل فـــيـــنــــا يــالــوجـــيـــه الــفــلــيــحــه

شوفوا مردُ الهرج وش هـم يطـرون
حـــتـــى نـــعــــرف مـــــــزوره مـــــــن صـحــيــحــه

كان الكلام من المعـادي علـى هـون
بــــعـــــض الــمــســبـــه بـالــمــجــالــس مـــديـــحــــه

تـجـيـه عـربــانٍ مـــن الله يـخـافـون
عـــــــــن الـظــلــيــمــه يـنــصــحــونــه نــصــيـــحـــه

لو كل خلق الله علـى الحـق يمشـون
كـــــــان الــقــلـــوب مـــــــن الــخــطـــا مـسـتـريــحــه

كم واحـدٍ بعـروض الأجـواد مفتـون
وهـــــــــو ســـلـــومــــه يــفــضــحــنــه فــضــحـــيـــه

وكم واحدٍ يطعن وهـو فيـه مطعـون
يـــــــذم ريــــــــح الــــنــــاس والــشـــيـــن ريــــحــــه

بعض كلام النـاس تهمـات وضنـون
قــــــــــولٍ تــنـــمـــيـــه الـــوجــــيــــه الــوقـــيـــحـــه

الظلـم لـو فـازوا هلـه مــا يـدومـون
راع الــظــلـــيـــمـــه لاتــــبــــاطـــــى مـــطـــيـــحــــه

والناس هذا الناس من عصر ذالنون
كـــلــــن عــــلــــى دربــــــــه ركــــابــــه مــشــيــحــه

مقـرود يـامـن بــدل الـلـون بالـلـون
بـــعـــض الـــكــــلام يــحــرفـــه عـــــــن صـحــيــحــه

والصدق هو والكذب ماهو بمقـرون
كـــــــان إنـــهــــا تـــــــدرس بــلــهــجــه فــصــيــحــه

مايـمـدح الـرجـال بالشـكـل والـلـون
إبـــحــــث مـــعــــه لــيــنـــك تـــعــــرف الــقــريــحــه

تـراك تعـرف عنـه وأنتـم تهـرجـون
يــبــيــن لــــــك مــــــن كـــــــل جـــــــودٍ نـضــيــحــه

المستريـح اللـي مـن الشـك مـامـون
مـــــــع كـــــــل خــــلــــق الله عــلـــومـــه مــلــيــحــه

كـم واحـدٍ حــيٍ لــه الـنـاس يثـنـون
وإلا تـــــــوفـــــــى قـــــــالــــــــوا الله يـــبــــيــــحــــه

وكم واحد لـو هـو باالألحـاد مدفـون
ذكـــــــراه عـــنــــد الـــنــــاس بــيــضـــا صــفــيــحــه

وكـم واحـدٍ يجمـع ملاييـن وخــزون
مــــــــــالٍ تــنـــمـــيـــه الـــيــــديــــن الــشــحــيــحـــه

لا تشـكـره رمـلـى ولا فــك مـديـون
ولا حـــــــــل مــشــكــلـــة الــنــطــيـــح ونــطــيــحـــه

ولا له على جاره من الفضل ماعون
لـــــــــو إن جـــيـــرانــــه تـــــشـــــوف الــذبــيـــحـــه

وكـم واحـدٍ جـيـران بيـتـه يحـمـدون
لـــلـــجــــار ريــــــــــف ولــلــجــمــاعــه مــنــيـــحـــه

وكـم واحـدٍ منـه الـعـوادي يخـافـون
زبـــــــن الـمــخــيــف الـــلــــي كــثــيـــرن فـحــيــحــه

ربعـه نهـار الضـيـق فـيـه يـتـذرون
لا جــــــــا نــــهــــارٍ فــــيــــه لــــجــــه وصـــيـــحـــه

وبعض الرجال بهم شريفين وعفـون
كــــلــــن عــــلــــى مــــاقــــال يــــرجــــع لــكــيــحــه

وبعض الرجال بضحكهـم يستغلـون
يـجـيــبــهــا مــــــــن نــــــــوع زلــــقــــه بــطــيــحـــه

هـذاك بيـن لـه مـن الـهـرج مـدفـون
خـــــلـــــه إلا شـــــافـــــك يـــــزيــــــن ســمـــيـــحـــه

الـهـرج لــه نـقـال والـــرد لـلـشـون
مـــــــزح الـــجــــزع يـــثــــر بــكــبـــدك جــريـــحـــه

هـذا وأنـا مانـي مـن النـاس ملسـون
لاشـــــــك أرفـــــــض مـــــــن تــــزايــــد جــمــيــحــه

قلتـه وكـل الـنـاس غـيـري يقـولـون
راع الــظــلــيـــمـــه لا تــــبــــاطــــى مـــطـــيـــحــــه

وسلامتكم