ياعتابة نادوا سعود عندي له علوم=والله انه ماخفاني بعض شي يصير
وسط سوق العاصمه عجل بقضي لي لزوم=مير شفت الوسم مقلوب فرقبة البعير

ياعتابة ليش باتل محزّن وامهموم = تالي الايام آظنه ماهو والله بخير
من يطب السوق يا يشتري والا يسوم = وانت ياباتل على الدجه اشوفك تسير

ياسعود ان طعتني لاتكرر للهجوم=والله اني مااحسب لاكبير ولا صغير
لدعينك لدعينك وطالع للنجوم=الجدي وسهيل كانك من الفطره خبير

ماعليّه منك ياجعل يفداك الرخوم = البحر معروف أنا وأنت معروف الغدير
المطر لو قالوا إنه علاكم كل يوم = ارتفع سعر الغنم وإنخفض سعر الشعير

افترقنا جعل حظك يطيح ولايقوم=والبحر لو قلت باوصافه العمق الكثير
انت لو شفت الذي شفت ماظني تنوم=مير نم واخطيت يوم اني اخترتك شوير