والا يالثعلي الاول معي علم يبى تحليل=وانا خابرك بيطار المعاني وانت راعيها
خفافيش الظلام اللي تحلق في ظلام الليل=تراها ماتسر ولا نطالع بالنظر فيها

تفضل هات علمك واشرح الموضوع بالتفصيل=عسى ربي يقدرنا على اولها وتاليها
خفافيش الظلام ان جاء بياض النور جاهاالويل=ترفرف فالغداري والصبح نوره يجليها

انا قفلتها بالشيش مع بعض العرب تقفيل=وزاد الغيض بقلوب العرب والله يسويها
ذبحت اربع طعش واتلى العهد مع راعي التمثيل=طلب من راعي الحله حروفي لايخليها

جزيل القول مايبغا كثير المدح والتطبيل =ترى للناس عين تشوف وافكارٍ تقديها
يبا ربك يعـدلها وربك مايحب المـيل= ولهيب النارمايحرق سوا رجلين واطيها

يحبون المداهن والمجامل والحيل بالحيل=وانا لو في ضميري كلمةِ بلساني ابديها
لهيب النار يشوي فالفراش ولا نبا التعديل=هذا علم الحقيقة والعرب ماني بمرضيها

هذا وقتٍ تغيّر واصبح الكافي مكان الهيل = ولاتعجب من ايامك ولاتبكي لياليها
خذينا اللي خذينا من عيال القاهره والنيل = ولو قلت الحقيقه ماعتقد به ناس توحيها

انا وش لون مااعجب عقب صار الراس مثل الذيل=وصار الذيل عند الروس ياالثعلي ويفليها
عيال القاهره ماعندهم غير البكش والقيل=وباشتهم بطربوشه وحاميها حراميها