ماتستحـق امـد (كفـي)واصافحـك
 

لا جيت ابنسى واتراجـع واسامحـك
صاحن جروحي واشتكن لي طعونـك


كلك خيانه قول .. وشلـون ابمنحـك
وش موقفك من شخص دايم يخونك !!


اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك


اللي تقوله صح .. لو كنـت جارحـك
( مير ) انت غارق للاسف في ظنونـك


وصفك نسيته بس .. باقي ملامحـك
بنهيـك وانهـي بالنهايـه جنـونـك


ماتستحـق امـد (كفـي)واصافحـك
مثلك غلط عمري وابحيـا بدونـك


لعبـت دورك شاهـدتٍ مسـارحـك
خدعتنـي واظهـرت خافـي فنونـك


كنت اعتقد قلبي هو ابرز مطامحك
اللي يبيـع النـاس لجلـه يصونـك


تعبت اسوق الشوق يمك واصارحـك
اخلصت لك بالحب شوفت عيونـك


لكن خساره صرت غايـة مصالحـك
ياليتنـي ماجيـت لحظـه بكونـك


بالامس كنت بنشوة الحب امازحك
اخيـل برقـك واتحـرى امـزونـك


واليوم من صفحة حياتي ابمسحـك
هديت صرحـك ثـم طاحـت ركونـك


ولابي عيوني لـو تصـورت تلمحـك
اعلنت موتك وانسجن لي كفونـك


وان جيت تطلب ترتجيني اسامحك
بهديك طعنه مـن بقايـا طعونـك

منقول

اخي يجيلك يوم

الله يعطيك العافيه

يا غالي

مشاركه
 

أبهجني مرورك اخوي فواز

وشرفتني بحضورك وتواصلك

لاعدمتك يالغالي


دمت ودام وجودك

مشاركه
 

ابهجني مرورك اخوي فيصل

وسعدت بحضورك الرائع

واشكرك على تواصلك يالغالي


دمت سالما

قصيده رائعه ولكن من صاحبها؟؟

مشاركه
 

اخي الكريم صعوط المجانين

اشكرك على مرورك ولاهنت

بالنسبه للقصيده وصلتني بالايميل ومن غير اسم لشاعرها وسبق أن ذكرت سابقاً بأن القصيده اللتي انقلها وأكون على علم بأسم شاعرها طبعاً وبكل ممنونيه سوف أكتبه وأضيفه مع قصيدته .


احتراااامي

مشاركه
 

اخي الكريم الدلبحي

أسعدني مرورك المشرف

ونورتني بحضورك الرائع


دمت سالما

يعطيك العافيه

صح لسانك ولسان شاعرها



تحياااااااااااااااااااااااااتي