سؤال يبحث عن إجابه
 

من يخبرني وله الدعاء

تكملة لهذا البيت الذي قيل في رثاء الشيخ محمد بن هندي رحمة الله:

موته وفاء وسباب موته قعوده ويكثر ماواجه من الموت كثراه.............

يا هلا ومرحبا يا علي

هذا البيت لفندي بن عزرام المقاطي

يوم وقف واسباب موته قعوده *** يا كثر ماواجه من الشر كثراه



واذا تبي القصيدة كلها انا حاضر



تحياتي

اخوي المورقي( المهلي مايولي)ولاعليك امر صدقني بحثت عنها كثير ولم اجدها فلك مني كل التقدير والاحترام

الأخ علي عتيبي

استلم هذي القصيدة اللي طلبتها



مرحوم يا شيخ فعوله شهوده *** لا طب بالصابور تكثر رزاياه

من شاف ضربه باللقا ما يعوده *** إلى اعتزى كل صفح عن ملاقاه

يوم وقف واسباب موته قعوده*** يا كثر ما واجه من الشر كثراه

محمد اللي يفقدونه جنوده *** هو ذخرنا لا جا نهار المثاراه

اميرنا لا كل يصلح بقوده *** يصلح بشلف فوق قب مغذاه

مثل الحصان الى هبد من يقوده *** والى تبين له حريب تنصاه

لا واعمود البيت لا واعموده *** يا كبر ما فوقه من الحمل كبراه

ضلع يفلون الدبش في لهوده *** وازرى المعدي يوم عداه يرقاه

الناس تدري به وتذكر عهوده *** كل خبر ذكره وفعله وطرياه

شيخ الشيوخ اللي عريب جدوده *** نرجي عساه بجنة الخلد ملفاه





تحياتي

أخوك: عبدالعزيز المورقي

عبد العزيز المورقي بيض الله وجهك .

يعطيك العافيه يالمورقي

وهذي عادات اعضاء الهيلا تحت الطلب دائما

ولا هنت ياعلي

ورحم الله الشيخ الفارس محمد بن هندي (( الداهيه ))

تحياتي لكم

مشكورين على تكميلكم لبعض وهذا ليس مستغرب على اعضاء منتدانا
بدون نقص في احد
تحيــــــــــــــــاتي

اخي على العتيبي

مشكور على طلب القصيده
المورقي مشكور على تكملة القصيده

الله يعطيكم العافيه

اشكركم على البحث عن القصيدة واشكر اللي جابها (ذيبان عز اللة)