باح الضمير وقلت ما كان مكنون=من لاهبٍ بالكبد سبب وقايد
يا ناس ياللي بالحقايق تهرجون=هاتو كلام الحق والحق رايد
قولو لناسٍ في دجا اليل يلهون=ماهمهم وقتٍ مضا صار بايد
الوقت يشرا بالذهب لو تعرفون=ياللي نويتو قتله بلا فوايد
كم ليلةٍ راحت ولا انتو تحسون=واليوم كان اقفا فلاهوب عايد
والوقت هو عمر البشر بس ينسون=ان الزمان اللي يجي له جدايد
والعمر واحد ان مشا عجل او هون=لا هوب ناقص لا ولا هوب زايد
خلو جميع العمر لله تكفون=لا تهملون الدين وايضا العوايد
لازم حقوق الناس للناس تعطون=بامر الذي يرسل بروق ورعايد
لجل انكم في مرتع العز تحيون=لا تحسبون الطيب ماهوب كايد
يالله ياللي ترسل الريح بمزون=احفظ علينا ديننا والعقايد