size=4]بسم الله الرحمن الرحيم

السلام عليكم ورحمة الله وبركاته

قصيده متواضعه وآمل ان تحوز على ربع رضاكم [/size]

أشتاق لك يا نوف شوقٍ ورى شـوق = وأذوب في طاريـك ويـذوب حالـي
وأموت وحيا فـي غرامـك ولا ذوق = إلا دلع عمرك ؟..... ونوحي يغالـي
حبّك دخل قلبي كمـا رمـح مـزروق = لازم علـى قلبـي لزيمـة ظـلالـي
وصبحت لي نورٍ لدنيـاي وشـروق = شمسك سنا عمري .. وليتـك تبالـي
من بعد حـر فرقـاك والله مخنـوق = أسري على همّي كما هو سـرى لـي
وتعيش في عيني سما ؟ سحب وبروق = تروي ضما عطشان صافـي زلالـي
أهدرت حق الغير..والنـاس أحقـوق = والطيب غاية كسـب كـل الرجالـي
وأنا على طيبـي ومانـي بمسبـوق = إن قلـت وينـك قلـت أول وتـالـي
رجلي مساريها عسيره..تبـي فـوق = والدرب ما تسريـه يـا كـود عالـي
يا سيّدي يـا بـو جدايـل ومفـروق = الموت في مبسمك يـا ثلـج صالـي
من بعد جرهـد المشاويـر وحـروق = جيتك ودمعي فـوق خـدّي وسالـي
جيتك وفا..جيتك عطا..جيت مشفـوق = صادق وعد..حافظ عهد..كـل أمالـي
بعدك حزن..دونك غبن..موت مشنوق = قربك دفا.. جنبك صفـا.. زان بالـي
أفداك يـا روحـي ويفـداك مخلـوق = في هالبسيطه مـن جنـوب وشمالـي
يا نوف يا صفوة رياحيـن وعـذوق = يا توت يا رمّان ..... كـل الجمالـي
جيتك وكلّي شوق في شوق في شوق = جيتك ودمعي فـوق خـدّي وسالـي

المشاركة الأصلية كتبت بواسطة معشي الحربة جيتك وكلّي شوق في شوق في شوق ....... جيتك ودمعي فـوق خـدّي وسالـي صح لسانك اخوي ساج الوقت وسعيدين بتواجدك معنا وبمصافحتك وان شاء الله يطيب ويطول التواصل معك في محلك حياك :)

المشاركة الأصلية كتبت بواسطة النشمي صح لسانك رائعه رائعه وتسلم وبيض الله وجهك

المشاركة الأصلية كتبت بواسطة نديم الحرف صح لسانك ورائعة جداً ........................ ومرحبابك فينا نديم الحرف

المشاركة الأصلية كتبت بواسطة خلف بن مرزوق 00 يا سيّدي يـا بـو جدايـل ومفـروق//الموت في مبسمك يـا ثلـج صالـي الله الله ياسااااج الوقت هنا كانت صفحة من صفحات الابدااااااع لافض فوك وانتظر اشراقة حرفك من جديد