فيه رجالٍ هنيّا كاسب(ن) كل الملاعب = ماكسبها غير بيمين(ن) تعسف المصاعب
شاعر الروقه متعّب من جهل كل المتاعب = كل رجالٍ على ممشاه وارض الله وسيعه

ياشاعرٍ تنطح الضلعان وتهدها = خلك على الهون والدنيا على حالها
اخترت شاعر من العتبان من بدها = والسر مدفون والدنيا على حالها

مانقول اقصور فيك اولا لحقك الشك منا=مار حنّا والله انّا سم للي يمتحنّا
مير هيد وخفف السرعة ولا يلحقك ظنا=كل رجال على ممشاه وارض الله وسيعه
وانته جبل مار خلك ياجبل قدها=لك راس وعيون والدنيا هذا حالها
اخترت واحترت مير السالفه عدها=والسرمكنون والدنيا على حالها

فيه رجالٍ هنيّا كاسب(ن) كـل الملاعـب=ماكسبها غير بيمين(ن) تعسف المصاعب
شاعر الروقه متعّب من جهل كل المتاعب=كل رجالٍ على ممشاه وارض الله وسيعه

انت شاعر لكن انك ماتداوي كل قافي = وان نفثت السم تشرب من ذحاح السم صافي
ماتعرضت الحفوف ومرقدك بالنوم دافي = كل رجال على ممشاه وارض الله وسيعه

ابحور دنياك مدت موجها مدها = منته بمجنون والدنيا على حالها
اللي عرف نسبها مايجهل لجدها = في ضهرك اديون والدنيا على حالها

الدوى عند الطبيب وعندنا كوي المجنن=والمجنن لو تصيح اصياحها عندي مقنن
وانت لا صاحي ولا مجنون بصياحك تفنن=كل رجال على ممشاه وارض الله وسيعه
ابحور دنياي لاتمسي على حدها= خابرك مالون والدنيا على حالها
عز الله انك مع القدَه ومن (زدَها)=والناس يدرون والدنيا هذا حالها

فيك عله فيك عله منت للصاحي بكاوي = والملاعب ياجهول العرف ماترحم وتاوي
فيه فارس فوق خيله ، فيه عند الشاه شاوي = كل رجالٍ على ممشاه وارض الله وسيعه

اسيوفنا شاهره لاياكلك حدها = له حد وسنون والدنيا على حالها
كف(ن) تقاشرك مد يديك في يدها = والا انت مغبون والدنيا على حالها

البكا ماهوب للرجال لن كنت انت تدري=وانت ظني خاب فيك وصرت يابن الناس حدري
وانت مهما قلت يامسكين ماضيقت صدري=كل رجال على ممشاه وارض الله وسيعه
سيفك عصى فوق راسك هينِِ ردها=مشعاب سعدون والدنيا هذا حالها
ماني مداهن مع اللي صعَرت خدها=ساطي ودندون والدنيا على حالها

شرهتي والله على اللي سجل لك في منتدانا = ليتنا دارين عنّك لكن انّا مادرانا
شاعر الروقه مسمى وانت من اكبر عمانا = كل رجال على ممشاه وارض الله وسيعه

أما ضرب سيفنا فالعود ماسدها = والقلب مطعون والدنيا على حالها
انتم طيورٍ ماينهد من هدها = من فوق الأغصون والدنيا على حالها

انت مالك شرهةِ تشره بها فوق الرجالي=روح عنا لاتجي واشره على بنت الحلالي
مانت ضدِ للبعيد ولاانت عزِللموالي=كل رجال على ممشاه وارض الله وسيعه
اهل الظفر والمواقف مانته بضدها=شاربك مدهون والدنيا على حالها
يالحارس اللي هجوم النصر ماصدها=والقول مضمون والدنيا حالها