البارحه والملأ رقيد = مرت خواطر على بالي
قالت سرى اليل يابن سعيد = عطني من الكيف فنجالي
لاشفت عليا ولابوزيد = ولاعطتني بعض الامثالي
فلت الهدف والمسار ابعيد = واللي نبي ماتهيالي
الخوف والحوف والتهديد = ولاكل من صاح خيالي
قالت تغزل يزيد الفيد = قلت التغزل فلابطالي
قالت دخل بالشعر تجديد = قلت الشعر شمس واضلالي
ماينقصه نقدنا ويزيد = النقد في وقتنا الحالي
مثل الحلاوه نهار العيد = وتذوب في يومها التالي
والشعر للعلم والتاكيد = تعددت فيه الاقوالي
انشدعنه تركي ابن احميد = تلقاه فالمرقب العالي
تركي ليامقبلت وريد = وجه عليه اشهب الالي
شيخآليا صك حيدابحيد = تغيرت بعض الاحوالي
يحصل على مايبي ويريد = بالطيب والمذهب الغالي
والعلم والحلم والتوحيد = والصدق والمنطق الحالي
شعره كتبناه بالتجويد= ويمليه الاول على التالي
واليومه ان ردده ترديد = وتردده معنا الاجيالي
وتاريخنا خلده تخليد = حشمه وتقدير وجلالي
مرحوم ياتركي ابن احميد = ياطيب الجد والخالي