يالشاعر الفالح تعال لن كان في خشمك عرام=والله لاعبدك النجوم اللي تقابس فالسما
الخيزرانه والمه والضرب فالميت حرام=وانته حرام انعاقبك يالشيخ ياراع اضرما

جيتك وانا ماني ضعيف عظام يارخو العظام=ترى عيونك لو تبحلقها ما فيها غير ماء
شكرك على اللي يا وسيع البال في وسط الحزام=ضربك حلال وودنا نضربك وتسيل الدما

قدام اقدم خطوتي واطا على بيض الحمام=الما يطفي كل نار عسى عيونك للعما
ياللي تبا تضرب يداك امست تحت حد الحسام=ماباقي(ن) غير اللسان اتمذلقه وسط الجما

تومي براسك فالشرك ولا حسبت لك اهتمام=يالرامي اللي ما علينا منه لو انه رما
الذيب يسري فالغداري ما عليه من الظلام= وانته عيونك مع مطيح الشمس تجهروتعمى

اومي براسي وارفعه وانته نقودك بالخطام=ونقيدك ونعقلك ونفك قيدك فالحما
الذيب يسري وانت ذيب اوحزة الغبشه تنام=يلهث لسانك ياهذا لوان ماحولك ظما

تومي براسك واتمايل كن فالجسم انقسام= يالشاعر اللي قال له فالملعبه علم وحما
هذاك شكلك تشبهه يشبهك والنسخه تمام=وانا عريب الجد خصم الخصم لامنه زما

انته تصلي مار مالك لا صلاه ولاصيام=ياشاعرِفالملعبه مالك حلي ولا كما
حشمة هل الحله وتقدير او معزه واحترام=سبلت وجهك للكريم اللي خلقنا يانما

انا صلاتي للذي دايم عيونه ماتنام=ياللي تبا تنحاش عقب القاف واللعب احتما
حشمة هل الحله نبا نكرمك باحسن ما يرام=حتى شنبك ولحيتك تصبح من الطيب ادهما