تعال يالقاضي الاول رفيع المقام=عندي علومٍ جديده ما انت داريبها
لقيت لي صيدةٍ حلال مدري حرام=اقصيرٍ زقمها دقمٍ مخاليبها

وصلت ياللي تنادي والهمام الهمام=الليل هات العلوم اللي تناديبها
هزله وانا خوك هزله بس جلد وعظام=ماتحمل النار تقبس في مشاهيبها

بعض العرب يفرض التقدير والاحترام=شرواك ياللي علوم الطيب تحريبها
وبعض العرب لو يسلم ما نرد السلام=اهل الوجيه الغضيبه من يحييبها

بعض العرب مثلك اوشرواك احطه وسام=يالفالح ونعم واهل الطيب ياطيبها
وبعض العرب ودك يلبس عباية مدام=امع الرياجيل يلبسها ويمشيبها