يـضـيـق صـدري كــل مــا هـبــت عـلــي مــن الـجـنــوب =
وارقــى عـلــى مـرقــاب حــزنــي واتــحــرى لـلــغــروب =
واشـوف وشـلــون الـلـيــال ادور فــي الــوقــت الـلــعــوب =
والـعـن ابـو الـحـظ الردي !! واسـتـغـفـر المولــى واتــوب =
ويـا سـعـود قـرب لــي مــدام الـوقــت والـعـمــر مـحـســوب =
لا صـارت الـدعـوه مـابـيـن : ( ضـلـوع صـدري ) و(الـهـبــوب ) !=
وش عــاد نـرجــي مــن زمــن صــارت بــه كبار الـذنــوب =
اسـلامـك اصـبـح (( مـتـهـم ! )) والـنــور غـيّــب ومـحـجــوب=
خـويّـنــا تـصــلاه نـــار الـكــفــر ونـشــوفــه يـــذوب =
لا عـادبــه فــزعــه ولا غــيــره ؟! وحـيـلـتــنــا يـــا دوب =
صــار الـتـنـافــس بالـطــرب مــن اولـويــات الـشـعــوب =
والـمـوضـه تـحـاصـر تـقـالـيــد الـعــرب مــن كــل صــوب =
والـكـل مـنّــا يـشــوف نـفـســه بالـتـخــاذل مـغـصــوب =
يالله سـتــرك مـــن عــلــومٍ فـــي خـواطــرنــا تــجــوب =
ويـا سـعـود اخـذهـا مـن نـمـط (حـكـيٍ عـلـى لـسـان الـقـلـوب)=
الـمـرجـلـه هــي ( الـبـلــد ) وافـعــال يـمـنــاك ( الــدروب ) =
والـكـايــده تـبـغــى ولــد مــاهــوب طــمــاع وكـــذوب =
وتــرى الـكــرم عـنــد الـعــرب يـغـطــي آلاف الـعــيــوب=
واحـذر تـحـسـب ان كـل بـيـر ابـدنـيـتـك بــه ( مــا ) شــروب=
وانــــا بــــوّدع راس مــرقــابــي اذا حــــل الــغـــروب =

المشاركة الأصلية كتبت بواسطة روقي الجمش السلام عليكم ورحمة الله وبركاته . أخي فيصل المسعودي . يعطيك العافية على القصيدة الجيدة وصح لسان شاعرها ونقل وإختيار موفق وكما عوتنا دائماً على التواصل مع جميع الاعضاء والإهتمام بجميع المواضيع والرد عليها أسأل الله العلي العظيم أن يلبسك ثوب الصحة والسعادة لتــثــرينا بماهو جديد كما عوتنا دائماً على التواجد مع الجميع . لك مني المحبة والتقدير . والســــــــــــلام ،،، تقبــــــــــــلوا تحيـــــــــات / روقي الجمش .

المشاركة الأصلية كتبت بواسطة ابـن نـعـيـس يعطيك العافيه لاهنت يالغالي تحيااااااااااااااااااااااااااااااااتي