سلامي على اللي يعرفون المواجيب = رجال المعرفه والعقول الحكيمه
وتقصرعن اللي فيهم الشك والريب = وكلن يبيى يلقى شبيهه نديمه

هلا مرحبا ترحيب في مجلس الطيب = عتيبه عتيبه من عصور(ن) قديمه
وخل الردي واللاش يلقا له صحيب = ترى اللاش ماله عندنا اي قيمه.

يدوم البقا ياللي تقول التراحيب = وجعل الوفاء والطيب ربي يديمه
ولابد ما نارد وتصفي مشاريب = ولكن اقول ان الظوامي محيمه

عسى الله يديم الطيب بين الاصاحيب = ويقلع عدوالقوم راع النميمه .
ليامن وردت احذر من الشك والريب = ونفسك تحذّر لا تجيب الجريمه.

تحزم نبى نطلع في روس المراقيب = ولكن حذرا لا تذب الخريمه
وانا اقول الك لاباس ياابو مشاعيب = تشيله معاك ولاتجيب الغنيمه