كم تمنيت اصبح اللي طارد اطراف السـراب=بس انا اصبحت هـارب والسـراب يلاحقـه
والسؤال اللي اشوفه بعض الاحيـان الجـواب=اسئلـه ويجـاوب ويفتـح مسائـل عالـقـه
والسؤال شحيلتي لو كان مشكلتـي اغتـراب=مابينـي وبيـن الحبيبـه هالبـلاد المـارقـه
قربي لي واتركي كـل المواقـع لـو تطـاب=واذكري هاالكلمتيـن اللـي بحياتـي فارقـه
ماقلت احبك مثل مايطري على عقول الشباب=اللي لبعض الطاهرات امن الشرف هو سارقه
ولاني مثل بعض العرب للبنت هو دق اي باب=والله من دون الشرف اي باب مانـي طارقـه
انا شريف من الشرف مايجيك من بعدي خراب=ماهو بانا اللي للشريف من الورق هو حارقـه
انا اشوفك مثل ماتشوف البدو جمع السحـاب=وانتي مثـل نجمـه بقلبـي فالليالـي بارقـه
فيني طموحي واستحى لايقول انه فيـك تـاب=وانا ترى ياكم رقيت مـن الجبـال الشاهقـه
لا مايوقفني عتب لـو كانـت الدنيـا عتـاب=موشرط اشرق دام كل انـاس هـي متشارقـه
انـا اذوب وكـل مافينـي مـعـك والله ذاب=وان كان شي ماذاب ذيك اللي من اول غارقـه
صرت اخاف اسئل صديقي يفتح ابواب العذاب=باجوبه خلتني عظـام (ن) هشيـم(ن) عاتقـه
بسئل وراسي نظر في صوب يملاه السحـاب=واسئل اللي لا نوى هـو حلهـا لـو خارقـه