أنا عيني على مرزوق لكنّي بغيت ذياب = واذا ماقاموا الاثنين وين الكبتن مناحي
نويت أطى على العقرب واسمّي فوق راس الداب = وماني ناسي اللي سمّها لاطاش ذبّاحي

أنا ماجود وأنته يالعتيبي ثالث الغياب=عسى ماشر ياحرن كفخ فالجو بجناحي
توقع يالعتيبي والبلد فيها نمر وذياب=وأنا خابرك عاقل تعرف المجنون والصاحي

أنا ما أقول فيك اقصور وإنّا كلبونا أصحاب = أشوف اللي وقف وأشوف بعض اصحابنا طاحي
على نفسك علامك ياصحيبي تفتح الأبواب = وقع بك ماوقع في " تركي " اليا قابل " رياحي "

المشاركة الأصلية كتبت بواسطة سعود البرقاوي أنا ما أقول فيك اقصور وإنّا كلبونا أصحاب = أشوف اللي وقف وأشوف بعض اصحابنا طاحي على نفسك علامك ياصحيبي تفتح الأبواب = وقع بك ماوقع في " تركي " اليا قابل " رياحي "

ليا قام ألك واحد من عتيبه سد فالاشناب=لا تلحق باقي العتبان شرهه جعلك الماحي
أنا ماني بخاين وأبغض الانذال والاذناب=ترى ربي مكرمني عتيبي زند و سلاحي

مشبب خابره طيب لكن المشكلة شبّاب = وشبيب أنته لاشفتك قلت هذا جورج قرداحي
تسير القافلة قدام ماتاقف عشان كلاب = وأنا ما ودي أزرق صاحبي بسهوم وارماحي