يالشمالي تعال ابغاك في كلمتين=تطحن في ضميري ما اقدر اكنها
انت شاعر وماهر مثل عبدالمعين=والبيوت الثمينه غنها غنها

المشاركة الأصلية كتبت بواسطة الفالح يالشمالي تعال ابغاك في كلمتين=تطحن في ضميري ما اقدر اكنها انت شاعر وماهر مثل عبدالمعين=والبيوت الثمينه غنها غنها

جيت ابا اسمع كلام اهل الكلام الثمين=اسرج الخيل للمرسول واعنها
وين عبدالمعين و وين هاكا السنين=عقب ماشفت ناس(ن) مختلف ظنها

شفت لك فالجمل ياصاحبي شاهدين=كان هي منك قبلك ما حد(ن) سنها!!!!
سرها يالشمالي وانت قلبك فطين=الدير ودنا نقرا على جنها

الجمل جا هديه من طويل اليمين=لا عطا الطيبه ما قيل له منها
مير ذاالحين امانه في يدين الامين=والدير مختلف ياصاحبي فنها

زدتو الطين بل وزتو الدين دين=ما تشابه معانينا ولو كنها
انت واحد ولا يمكن تقسم ثنين=مار من فرها علمك عن سنها

ابشر ان الامور ان يسر الله تزين=انت وشبك علي الغاره اتشنها
الرزانه سلاح(ن) في يدين الرزين=انت في خاطرك هرجه ولو انها