ياعايشٍ فيني وانـا ميّـتٍ فيـك
 

شِف الغلا في نظرة عيون مغليك
غلاك بعيونـي تشوفـه عيونـك
ياعايشٍ فيني وانـا ميّـتٍ فيـك
بالله قل لي كيف أبحيـا بدونـك
لا جيت اوصّف بالقوافي معانيـك
جزلات قيفانـي يطيحـنّ دونـك
عارف شعورك يوم محدٍ يحاكيك..
..وكنّ الملا بالسالفة يقصدونك؟؟
هذا شعوري يوم تطري طواريـك
تصيبني ربكة غـلاك وجنونـك
وهذا شعوري لاجت يديّ بيديـك
ثم قمت تسأل ليه مخطوف لونك؟
أحبّ فيك من الخطايـا تماديـك
وأحبّ فيك من المزايـا سكونـك
وأحبّ من بـدّ الليالـي لياليـك
وأحبّ مابيـن الحنايـا طعونـك
إلعب بقلبي كـان قلبـي يسلّيـك
قلبٍ بنبضـه ياحبيبـي يصونـك
ينبض بحبك وإن طلبتـه يلبّيـك
والله لياقف قبـل افكّـر أخونـك



فيصل الجبعاء

الله الله

ياعايشٍ فيني وانـا ميّـتٍ فيـك ... بالله قل لي كيف أبحيـا بدونـك
.
.
أحبّ فيك من الخطايـا تماديـك ... وأحبّ فيك من المزايـا سكونـك



كل بيت اجمل من الثاني ..

سلمت يدينك على الاختيار
وصح لسان قايلها..

مشاركه
 

مشكوور اخوي معشي الحربه على مرورك الكريم لاعدمتك



احتراااامي

مشاركه
 

أسعدني مرورك اخوي عطر الليل العذب المشرف ونورتني بأطلالتك الرائعه لاعدمتك يالغالي


تحياتي وتقديري