يقول من حده زمانه على أقصـاه=بين خفا نفسـه وبـاح السريـره
هاجوس ٍ يجيبـه وهاجـوس وداه=ولازل هاجـوس ٍ تقفـاه غيـره
يطول ليله جالـس ٍ فـوق مركـاه=ولاهب نسنـاس الهبايـب يثيـره
كله من اللـي وش حياتـي بليـاه=اللي مصيري مرتبط مع مصيـره
إن كان ربي كاتـبٍ لـي ملاقـاه=عقب الظما يطيب صافي غديـره
وإليـا تـردى الحـظ شكـواي لله=ينحاس تفكيري وتعمى البصيـره
العمر من دون أتلع الجيد ما أبغـاه=والورد ويش الورد لـولا عبيـره
فيه الوصايـف كاملـه واحـلالاه=حشمه وحسن اخلاق مع طيب سيره
راعي جديل كنـه الليـل يغشـاه=يلعب مع النسناس ناعـم حريـره
والعين عين اللـي تعلـى بمرقـاه=حـر يهـوم النايفـات العسيـره
يفز قلبي كل مـا أسمـع بطريـاه=فزة فرس تركـي نهـار المغيـره
ما غيـره بيمـه ولا هـو بويـاه=هذا قليلٍ يـا عـرب مـن كثيـره
أقولهـا للكـل مـابـه مــداراه=الثقل أميره والحسـن هـو أميـره

المشاركة الأصلية كتبت بواسطة ابـن نـعـيـس صح لسانك ولسان ابن ناهي قصيده رائعه من رائع ابداع متجدد تحياااااااااااااااااااااااااااتي

المشاركة الأصلية كتبت بواسطة يجيلك يوم تسلم يمينك فهد قصيده رائعه دائما مميز في اختيارك لاهنت يالغالي

المشاركة الأصلية كتبت بواسطة ((الدلبحي)) صح لسانك ولسان ابن ناهي ابداع له نوع خاص تحيااااااااااااااااااااااااااااااااااااتي

المشاركة الأصلية كتبت بواسطة فيصل المسعودي صح لسانك ولسان ابن ناهي اختيار اروع من رائع يافهد لك تحياتي