ابديـت باسـم الله ذي كـل الخلايـق تسـألـه=العالم الواحد وهـو عالـم بكـل ماهـو جديـد
يالله ياقـادر علـى خلـق الخـلايـق معـدلّـه=تغفر ذنوب العبـد ذي يرجـوك يـارب العبيـد
وانـا الـذي بسألـك تفتحلـي ابـواب مقفلـه=وتغفر ذنوبي لابـدت تنقـص عليّـه او تزيـد
وابـدا بمدحـي فيـك يابنـدق تثيـر الاسئلـه=ماقد ظهر مثلك ولاحتـى فـي العـام الجديـد
بندق على شانه تقـوم كـل الحـروب الاولـه=ماحد على عرشه وقف ولاحد على عرشه يريد
هذا ملـك كـل البنـادق فـي زمـان القبولـه=بو شبّه اللي مانحـب غيـره ولاغيـره شديـد
شدّة فعوله في رصاصـه مثـل فعـل القنبلـه=يغزي على القلب الذي يجري معه عرق الوريـد
وصفه مميز في السلب واول حروف الوصف له=يجذب مسافات العدو وإن كان ابعـد مـن بعيـد
ذا فصـل اول قـد عبـر وثانـي بدينـا بأولـه=واسمع كلامي يافتى واكّد علـى هرجـي اكيـد
اسئـل علـى نعمـان ياسائـل كثيـر الاسئلـه=عزّ القبايل رايهم باقـي علـى الـراي السديـد
الراي واحـد بينهـم معـروف بـاول مرحلـه=من زام شيبان بنو والسـاس مبنـي مـن حديـد
اسم علا فوق النجـوم مااعتقـد حـد يوصلـه=نعمان اسم الجد واسم الاب واسـم اللـي وليـد
وانشـد علـى باتيـس ياسائـل ولا تستسهلـه=باتيس واحد من بني نعمان فـي الشـدّه شديـد
انشد عليه كل العـرب فـي موقعـه او منزلـه=سدّه بلد اهل الكرم والصـوط كلـه لـه مديـد
وفي وادي الرحمـن لـه كلمـة وكفّـه تعدلـه=وحدودنا معروفـه للاعـداء لهـم توقـد وقيـد
احمل معك خطي وجاوب كل من سأل في مسأله=وإن ماعرف يقصد انـا بعلمّـه معنـا القصيـد
وبلّـغ خطابـي للـذي يكثـر كـلام البلبـلـه=بقطع لسانه مـن وسـط حلقـه وباحطّـه فقيـد
وبختم كلامي بالنبـي طـه اللـذي قـد ارسلـه=رب الخلايق كلهـا يحـذّر مـن يـوم الوعيـد
ونبّـه الامـه مـن يـوم اللـقـى والزلـزلـه=واكّـد رسالتـه التـي فيهـا كلامـه مايعـيـد