ياعناد وقِّف وادرك العلم ياعناد=لا لا تلف الهرج وتعيد وتزيد
وش فاد هرجك فالصعيبات وش فاد=ماغير كسرٍ واضح ٍ للشواهيد
عان الجمر في بسرة القلب وقّاد=من حرته قد شبّك اوريد بوريد
حط الحطب..والتاليه..حفنة رماد=ثم سفَّها بأيام دنيا التماديد
ماعاد انا بالحظ..للحظ..حصّاد=وماعاد اريد الحظ..وشلون با ريد
مادامه لطير الرخم صار ينقاد=وامسن شياهين الفضا تنحسب صيد
تعاكسن والناس..سرداد..مرداد=تدرك معان الحق..لكن بلا فيد
حاولت ابطوي حالة اليوم تنعاد=حاولت اكايد نكسة الوقت..و تكيد
إن صحت فااااااااهد..جاوب الصوت فهّاد=واكبر قهر..لارِجع الصوت بفهيد!!
كسرك عطيب..ولا أبي لكسرك ضماد=لا بوك لابو من جلبها تضاميد
والدمعه الّي حبسها حرب وجهّاد=احدّها لمحايد الجفن..وتحيد!
كبَّت محاجرها..على انصاص و احاد=وا حيلتي لاطبحن باوسط الميد
ولو ان ضلعي للجليلات نفاد=ما اوحيت لي في غفوة الخلق تنهيد
لكن صدري مكبله ثقل الأصفاد=عن ضيعة العزَّه..ونقد الأجاويد
"ولاّ انت ماجيتك بدور لي ضماد"=لابوك لابو من جلبها تضاميد!"
"وكانك ركبت الراس بالراي ياعناد=بدعي عليك الله واعيد وازيد"

المشاركة الأصلية كتبت بواسطة خلف بن مرزوق 00 مشعل بن حويد كنت مبدعا وكنت كريما بوضعك هذه الابيات بيننا صح لساااااااانك مدد بلاعدد ولااااااااااااهنت يالقرم تحياااااااااتي

المشاركة الأصلية كتبت بواسطة مرزوق العتيبي ... . الشاعر العذب ... مشعل الدعجاني... صح لسانك ....... واعتلا شانك .. استمتعت بقراءتها ... فهي جزله من شاعر ٍ جزل .. كل التقدير ....