الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   الشعر الشعبي (http://www.otaibah.net/m/forumdisplay.php?f=9)
-   -   ذبحتنـي ياسيـد كـل الرعابيـب (http://www.otaibah.net/m/showthread.php?t=17991)

يجيلك يوم 07-Dec-2005 10:14 AM

ذبحتنـي ياسيـد كـل الرعابيـب
 
الله من قلبٍ عوى عويـت الذيـب **ذيب عوى لجت ضلوعـه ولجـي
عليك ياراعي العيـون المهاديـب***سـودٍ مضاليـلٍ وسـاع ٍ وبجـي
سودٍ تشذب بسرة القلـب تشذيـب****طحت بخطرهن يالله انـك تنجـي
سهومهن تسطي على القلب وتصيب***تخج صنـدوق المعاليـق خجـي
ياصاحبي حبـك لقلبـي عواقيـب***ارفق علي شـوي قبـل استلجـي
يا اللي عليك عيون الامه مراقيـب***تقـول بيـن شفـاك درٍ يمـجـي
والخد براق المـزون المهاضيـب****اللي رعوده رجـت القـاع رجـي
يامنوتـي مافيـه شـك ولاريـب****منساك كود انسى صيامي وحجـي
يابو نهودٍ شلعـن مقـدم الجيـب****كمشمشٍ عرقه من المـاء ينجـي
من فوقهن شقرٍ تغذى على الطيـب****ريح الشمطري في طرفهن يعجـي
ذيل اشقرٍ ينسف خلاف العراقيـب***تطلب عيالـه بالمهـر والترجـي
هزت وزرفـات السبايـا جناديـب****لوما شليل الصبر والمـال هجـي
ذبحتنـي ياسيـد كـل الرعابيـب****فجيت قلبي يأريـش العيـن فجـي
فجن مثل مظراب شلفـاء تراحيـب****شلفاءاً تخل الـدم الاحمـر يكجـي
لا وردة من كـف مـرو المغاليـب*****والخيل كاسيهـا ضبـابٍ وعجـي
ياعاذل المشتاق مابالهـوى عيـب***ماذقت لذاته عسـى امـك تدجـي
لو ذقت من حلوه ومـره تجاريـب***مالمـت طـراد البنـي الغنـجـي
نجل العيون مزعـلات الخطاطيـب****شعـوٍ عـذاب مقطعيـن الفرجـي
يم الحبيب اللي هروجـه تعاجيـب****ياعيـن لديلـه ويارجـل سـجـي


الشاعر محمد الخس

أبو فيصل 08-Dec-2005 01:04 PM

صح لسانك و لسان الشاعر أخوي يجيلك يوم

والله يعطيك ألف عاقية

ولاتحرمنا من جديدك

تحياتي

ابـن نـعـيـس 09-Dec-2005 10:02 PM

يعيطك العافيه

وصح لسان شاعرها


تحياااااااااااااااااااااااتي

((الدلبحي)) 09-Dec-2005 11:22 PM

يعطيك العافيه

وصح لسان الخس


تحياااااااااااااااااااااااتي

فيصل المسعودي 09-Dec-2005 11:27 PM

صح لسان الخس


وتشكر على نقلها ياغالي


تحياتي

يجيلك يوم 11-Dec-2005 11:13 AM

مشاركه
 
مشكوور فهد على مرورك الكريم لاعدمتك


تحياتي لك

يجيلك يوم 11-Dec-2005 11:14 AM

مشاركه
 
أسعدني مرورك ابن نعيس وتسلم يالغالي


احترااامي

يجيلك يوم 11-Dec-2005 11:16 AM

مشاركه
 
أسعدني مرورك الدلبحي عسااااني مانحرم منك


تحياتي وتقديري

يجيلك يوم 11-Dec-2005 11:18 AM

مشاركه
 
تسلم اخوي فيصل على مرورك لاعدمتك


احترااامي


الساعة الآن »08:20 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd