يالمسري سرها والوعد نور الصباح=لا يجيك النوم والنار من شبابها
وجد حالي لو احصلك فالحزم البراح=المصايب كلها والله التبلابها

انت فارقت الليالي والايام الملاح=شب نارك يالعتيبي تبا ترمى بها
وجد حالي كان خليتك تروح بسماح=المياسم كلها والله ان تكوى بها

لا تحسب المعركه يالمسري ساح باح=السيوف اتنسَف الروس حف ارقابها
انته اعزل ما معك لا سيوف ولا رماح=ولا انت كاويلك رجال(ن) ترف اشنابها

المشاركة الأصلية كتبت بواسطة الفالح لا تحسب المعركه يالمسري ساح باح=السيوف اتنسَف الروس حف ارقابها انته اعزل ما معك لا سيوف ولا رماح=ولا انت كاويلك رجال(ن) ترف اشنابها

عندنا الدا والدوى عندنا طب الجراح=خاف لاترجع سيوفك بروس اصحابها
اسمك الفالح ولكنّ ماحولك فلاح=كيف وانته ذايق سيوفي ومضرابها